Thursday, March 12, 2009

الابتسامة الصعبة

انا من الناس اللى شايفين ان الابتسامة فى وجه اخيك صدقة او بمعنى اوضح انك اول ما تقابل حد وتبتسمله فانت بتفتح فى قلبه مكان ليك
المهم بقى ان ده اسلوبى طول الحياة ابتسم للناس اول لما اجى اكلمهم وفضل الموضوع معاى 29 سنة هم عمرى
لكن بصراحة ابديت اكتشف مؤخرا ان ده بقى شئ صعب جدا بمعنى اوضح ان الناس اتغيرت بقيت تبتسم لهم ما يبتسموش
يا خبر ابيض وهو ده ينفع برضه
اينعم هو ده اللى بيحصل
وتلاقى اسهل حاجة التكشيرة يا جماعة خير اللهم اما اجعله خير
وياه بقى لو على الصبح يا خونا يجعل صباحكم نادى
ابدا مفيش فايدة
لا والمشكلة ان ابتسمتى ابديت توسع توسع ولا اله الا الله بقيت ضحكة ولا هم هنا
والاخر ولقسوة القدر الالقى الناس تقولى ضحكتك حلوة اوى
وابقى عايزة اقول دى اصلها ابتسامة الضحك حاجة تانية خالص
لكن مش مهم انا راضية ضحكة ضحكة ما علينا
المهم بقى انا عايزة اقول لكل الناس يا جماعة ممكن ببساطة شديدة نعمل شغلنا واحنا بنبتسم والله ما هيكلفكم اى حاجة بل بالعكس هتلاقى الحياة حلوة والشغل بقى الذ والمشاكل بتقل لان مش معقول ناس مبتسمة فى وش بعض وهيتخنقوا
والعادى ان كل واحد هيأخد كلامه التانى بالمحمل الكويس
ما هو مش معقول يقولى كلام وحش وهو بيبتسم
ده غير ان التكشيرة بتخلى الواحد يعجز قبل الاوان وعلى ايه
الموضوع مش ناقص
خلاص خلاص

3 Comments:

Blogger تــسنيـم said...

أولا : لما شفت اسم أمــاني خمنت إنه إنتي ,,, حمد الله ع السلامة وعودٌ أحمــد


ثانيا : يمكن الزمن اللي احنا فيه خلى الناس تبص للي بيبتسملها بارتياب يا إما أهطل يا إما رايق يا إمـا هيدبسك في حاجة
للأســف يعني... مع إنه نوع من أنواع الصدقة المجانية

2:50 PM  
Blogger ody911 said...

أمانى


بجد على فكرة الأبتسامة لزيزة جدا فى الشغل وزى ما إنتى قولتى فعلا بتخلى الشغل ألذ وأجمل وأسهل

أبتسمى حتى لو الناس مبتسمتش

عادى بقة
أبتسمى
أودى

3:42 AM  
Blogger شيمـــــاء said...

انتى هتقوليلى على الابتسامة
رغم اننا ولاد خالة فكل حد فينا ليه اتجاه
نصيرة الابتسامة انتى وانتى عارفة انا نصيرة ايه
التكشيييييييييييير بدل العصير
:)

2:06 PM  

Post a Comment

Subscribe to Post Comments [Atom]

<< Home