خيال xخيال
كنت بتكلم مع واحدة صاحبتى وفجاة خطر فى بالنا سؤال
يا ترى كنت نتمنى تطلع أيه
قالت :أنا كان نفسى اطلع سمكة قاعدنا نتضحك
وقالت:علشان الواحد ما يحملش هم ويفضل يعوم
قلتالها:بس كده ممكن تتاكلى من السمك الكبير ، من الناس كده يعنى
قالت : والله يكون احسن علشان اخلص وتبقى جيت منهم
وسألونى
قلت: أنا كان نفسى اطلع ملكة والناس تطلب ودى يمين وشمال وأعيش حياتى فى خدم وحشم وأنا مبأش مدى وش لحد
مع أنى مش كده خالص والمفروض أنى متواضعة (هو مش أوى يعنى بس رينا يسهل) مش مشكلة
يا ترى كل واحد منكم لو قعد مع نفسه ويسرح كان يحلم يطلع ايه؟؟؟؟؟؟!!!!!!!!!!!!!!!!!!!
posted by Amany at
9:53 AM
16 Comments:
تعرفي السمكة فكرة حلوة..
بس لأ عايزة اكون كانجروا وأعيش في استراليا ..
ولا لأ عايزة أكون مغنية والناس كلها تسمعني وأنا بغني اللي على مزاجي..
أو ابقى مخرجة سينما واعمل أفلام بحبها..
أو عالمة ذرة واخترع قنبلة نووية واسرائيل تقتلني..
عارفة..الحمدلله ..أنا بحب أبقى كاتبة لكن عايزة اخد نوبل بالمرة بقى
انا عارفاكى طول عمرك طبقية يا موزة
مع ان خالتو مش كده
:D
انت عارفة انا طبعا كان نفسى اطلع ايه :D
عايز كل الناس تعرف مدونتك
ضيف نفسك في ارشيف المدونات العربية
http://arabblogs.blogspot.com/
ارسل لنا اسم مدونتك و عنوناها و اسمك
في كومنت على
http://arabblogs.blogspot.com/2006/12/blog-post.html
ابعت نفس الرسالة دي لكل اللي تعرفهم
عزيزتى متغيرة شوية:
والله معنية حلوة ومخرجة حلو اوى
لكن عالمة ذرة فى الاخر لما بيتجنون او بيموتوا
واحنا مش عايزين مشاكل
كاتبة كويسة وخفيف خفيف ونوبل دى حاجة بسيطة ومضمونة
عزيزتى شيماء:
يا بنتى هى الاحلام بفلوس ولا احنا كده نسيب كل حاجة ونحاسب بعض على الاحلام
وحد يكرة عيشة الامراء والقصور والدلع
خليها على الله وقولى يا باسط تلاقيها هاصت
ليت أم عمر...لم تلد عمر
ليت أم عمر...لم تلد عمر
ليت أم عمر...لم تلد عمر
كان نفسي أطلع عمر
بس فشلت وطلعت دكتور
ربي اغفر لي فأنا لا أعلم
"مر ابن مرّ من هنا
تذكروه حتن يقضي بالدعا"
عزيزى ابن مر:
أنا سعيدة اوى بتشريفك ومرسى اوى
لكن ليه التشائم ده بالراحة شوية الدنيا مش محتاجة كده
عزيزى أيمن:
مرسى اوى انت منورنى
يعنى مش غربية انى قلت كده امال الناس مستغربة ليه حاجة غريبة والله
تنتى عارفة كان نفسى اكون ايه
فى ظل الجو اللى انتى عملتيه بموضوعك
اكون نا الامير اللى خطف قلب الاميرة
وباقى القصة انتى عارفاها
والسلام
هههههه
جميلة أوى يا أمانى الفكرة دى
بجد الواحد أوقات يقعد يسرح بخيالوا كدة
ويقول ياه دة أنا لو كنت كذا كنت عملت وسويت
أنا بقة كان نفسى أكون أكبر مهندس برمجيات فى العالم
بس تقريبا منفعش
وعادى بقة
أودى
اولا كل عام وانتي بالف خير وعيدك مبارك بس بتاعتنا مش بتاعة مصر
بس احيكي على البوست ده رجعنا لايام الاحلام ولحلم مكنش بيكلف مليم
نحلم على كيفنا نغلب عذاب خوفنا
نرسم على كفوفنا قلبين وسهم اترمى
انا بقى كنت بحلم اكون طيار كنت بقول عليها ظابط طيار
طول عمري بحب الحرية وبحب الانطلاق
بس الحمد لله بدل ماطير نزلت جوه الارض ويقيت جيولوجي مع ايقاف التنفيذ
بس بجد ليه لو تفتكري حلمك انك تكوني اميره هل عشان الخدم والحشم مفكرتيش انك هاتكوني فوق ولوحدك وممكن متلقيش حدتتكلمي معاه بحريه اكيد فيه اميره تانيه اتمنيتي تكون معاكي
يالله احلام ببلاش
وربنا يسترها
والله فكره جميله اوى
وانا كمان كان نفسى اكون مكان واحده كده
بالرغم انى مبحبهاش الواحده دى
وعارفه انى احسن منها بكتير فى كل حاجه ده مش تكبر ولا حاجه بس دى الحقيقه
بس هيا للاسف واخده اكتر حاجه انا كنت اتمناها فى حياتى كلها
ومرسى اوى ياامانى على تشريفك مدونتى
بجد اسعدنى مرورك عندى
نسيت اقولك
كل سنه وانتى طيبه
وابقى زورينى علطول كده
ومتركزيش فى الهرتلات اللى فاتت دى
ههههههه
cast2way
انا سعيدة اوى بتشريفك
وعجبنى اوى ان اتخيل الباقى الحصان الابيضويا ريت يكون ليه جنحين
ما احنا بنحلم بقى.
عزيزى اودى :
انت حلمك جميل هو انا ما اعرفش انت بتشتغل ايه
بس عموما البرمجيات دى مش محتاجة كلية معينة ممكن كورسات ولو انت موهوب ان شاء الله هتوصل
ده انت حلمك اسهل واحد فين على الاقل انت على الارض لكن احنا هوهوهو عدنا السحاب
عزيزى بين الياس والامل:
وماله بس عيد مصر انما وماله كل سنة وانت طيب والسنة الجايه ان شاء الله احسن من اللى فاتت
وانت فعلا عندك حق كنت ممكن ما لقيش حد اتكلم معاه
بس انا نسيت اقولكم حاجو مهمة اوى انى مجنونة اساسا يعنى ممكن اقعد ادام المراية واكلم نفسى عادى يعنى وماله بتحصل
عزيزتى سارة :
انا فرحانة بيكى اوى وكل سنة وانتى بخير والسنة الجاية تحققى كل احلامك
ومش مهم ابدا ان احنا ناخد كل اللى احنا عايزينه بس كفاية اوى نبقى حاسين ان احنا جديؤين بيه وصدقنى لما تصدقى ده اوى ان شاء الله هتاخد اكتر مما تتوقعى ومما كنتى تحلمى بيه لنفسك
بس لما تنفذى فكرتى وتتطلع صح احب اكون اول واحد تعرف ده وربنا معاك
Amany,
Kol Sana we enty tayeba ; begad fekra 7elwa 2wee ,,, I think en mafeesh 7ad may7ebsh yeb2a Malek we kol el nas 7awaleeh we te7eboh..
we bardo fekret el samaka 7elwa 2wee ,,, 7ekayet ba2a en el samaka el kebeera taklek we keda; kol 7aga fe el donia feeha 7eta 7elwa we 7eta mesh 7elwa (wake3ya shwaia de mesh 27lam :) ) ; bas el mohem en 27na neshouf el 7elw we nestamte3 beeh we kaman na7'od balna men el we7esh bas men 3'eer 2kte2aab ;).
fkrt feha 2bl kda bs brdo 3la elmstwa el2nsany ..lkn 3omry ma fkrt feha fe elmotlk ..bs a3tkd lw fe elmotlk momkn 2b2a 7aga mn el2tneen ya horse cause 3shan b7b el horses mooot ..ya ama star & when am saying star i really mean it a star in the sky far faaar away & dont ask y:)
اشكرك يا امانى على نصائحك الجميله بس انا مفهمتش هيا ايه فكرتك اللى انفذها
ومنكم نستفيد
أنا كان نفسى اطلع زى ما انا برضه.. ليه بقى؟ لأنى مش عايز اكتر من اللى انا فيه.. واد عسل دمه خفيف الناس كلها بتحبه ومثقف وبيكتب شعر كمان وطموح وأحلى من ده كله متوااااااااضع جدا .. وعمرى ما قلت ان أنا أحسن من الناس رغم ان نفروض الناس تعرف ده بس انا من شدة التواضع ما بقولهوش..
هعوز إيه أكتر من كده؟
Post a Comment
Subscribe to Post Comments [Atom]
<< Home