سهر الليالى

العشق الصعب

2009-08-28T13:51:00.000-07:00

اه من العشق الصعب.....فى زمان صعب.....فى حياة جافة.....فى أرض محترقة .....فى وقت لم تعد فيه الامال يسيرة والحياةهنيئة....... ليت ايامى معك دامت........ليت عمرى معك طال..............ليت الوقت مال فكان الامر بسيط ......ويا ليت هناك الة الزمان الدوارة .......كنت عدت معاك للوراء.......او كنت تهوى الرجوع معى....... اما اظنك تريد البقاء......وهل هوى الروح والقلب وجد ما وجد ظلاله عندك اما ضاع العمر هباء.........وهل يكفى وجودك فى حياتى....... اما ترى لابد من البقاء.......وهل دور المتلقى يليق بك.......اما ترى لابد من دور القائد.......ستظل الحياة سؤال بلا جواب ........فلا تحرى يا روح الفؤاد جواب فانها خواطر حائرة ......من قلب يريدك على الدوام

دورة الايام

2009-05-19T12:09:00.000-07:00

جلست الأم ذات مساء تساعد أبناءها في مراجعة دروسهم.. وأعطت طفلها الصغير البالغ الرابعة من عمره كراسة للرسم حتى لا يشغلها عما تقوم به من شرح ومذاكرة لإخوته الباقين .. وتذكرت فجأة أنها لم تحضر طعام العشاء لوالد زوجها المسّن الذي يعيش معهم في حجرة خارج المبنى في فناء البيت .. وكانت تقوم بخدمته ما أمكنها ذلك والزوج راض بما تؤديه من خدمة لوالده والذي كان لا يترك حجرته لضعف صحته .. أسرعت بالطعام إليه ..وسألته إن كان بحاجة لأية خدمات أخرى ثم انصرفت عنه . عندما عادت إلى ما كانت عليه مع أبنائها ...لاحظت أن الطفل الصغير يقوم برسم دوائر ومربعات ويضع رموزاً .. فسألته:ما الذي ترسمه ياحبيبي؟ أجابها بكل براءة : إني أرسم بيتي الذي سأعيش فيه عندما أكبر وأتزوج .أسعدها رده.وقالت أين ستنام ؟ فأخذ الطفل يريها كل مربع ويقول هذه غرفة النوم .وهذا المطبخ ..وهذه غرفة الضيوف ..وأخذ يعدد كل ما يعرفه من غرف البيت ..وترك مربعاً منعزلاً خارج الإطار الذي رسمه ويضم جميع الغرف .فتعجبت ..وقالت له : ولماذا هذه الغرفة خارج البيت ؟ منعزلة عن باقي الغرف؟ أجاب : إنها لك سأضعك فيها تعيشين كما يعيش جدي الكبير . صعقت الأم لما قاله وليدها !! وأخذت تسأل نفسها...: هل سأكون وحيدة خارج البيت في الفناء دون أن أتمتع بالحديث مع ابني وأطفاله .؟؟؟!!!! وآنس بكلامهم ومرحهم ولعبهم عندما أعجز عن الحركة ؟؟؟؟ ومن سأكلم حينها ؟؟؟ وهل سأقضي ما بقي من عمري وحيدة بين أربعة جدران دون أن أسمع لباقي أفراد أسرتي صوتاً؟.؟؟؟ أسرعت بمناداة الخدم ..ونقلت بسرعة أثاث الغرفة المخصصة لاستقبال الضيوف والتي عادة تكون أجمل الغرف وأكثرها صدارة في الموقع ..وأحضرت سرير عمها ( والد زوجها ) ونقلت الأثاث المخصص للضيوف إلى غرفته خارجاً في الفناء .. وما إن عاد الزوج من الخارج حتى فوجئ بما رأى ، وعجب له . فسألها : ما الداعي لهذا التغيير؟ ! . أجابته والدموع تترقرق في عينيها: إني أختار أجمل الغرف التي سنعيش بها أنا و أنت إذا أعطانا الله عمراً وعجزنا عن الحركة وليبق الضيوف في غرفة الفناء. ففهم الزوج ما قصدته وأثنى عليها لما فعلته لوالده الذي كان ينظر إليهم ويبتسم بعين راضية . منقوووول لأخذ العبرة

الابتسامة الصعبة

2009-03-12T11:05:00.001-07:00

انا من الناس اللى شايفين ان الابتسامة فى وجه اخيك صدقة او بمعنى اوضح انك اول ما تقابل حد وتبتسمله فانت بتفتح فى قلبه مكان ليك
المهم بقى ان ده اسلوبى طول الحياة ابتسم للناس اول لما اجى اكلمهم وفضل الموضوع معاى 29 سنة هم عمرى
لكن بصراحة ابديت اكتشف مؤخرا ان ده بقى شئ صعب جدا بمعنى اوضح ان الناس اتغيرت بقيت تبتسم لهم ما يبتسموش
يا خبر ابيض وهو ده ينفع برضه
اينعم هو ده اللى بيحصل
وتلاقى اسهل حاجة التكشيرة يا جماعة خير اللهم اما اجعله خير
وياه بقى لو على الصبح يا خونا يجعل صباحكم نادى
ابدا مفيش فايدة
لا والمشكلة ان ابتسمتى ابديت توسع توسع ولا اله الا الله بقيت ضحكة ولا هم هنا
والاخر ولقسوة القدر الالقى الناس تقولى ضحكتك حلوة اوى
وابقى عايزة اقول دى اصلها ابتسامة الضحك حاجة تانية خالص
لكن مش مهم انا راضية ضحكة ضحكة ما علينا
المهم بقى انا عايزة اقول لكل الناس يا جماعة ممكن ببساطة شديدة نعمل شغلنا واحنا بنبتسم والله ما هيكلفكم اى حاجة بل بالعكس هتلاقى الحياة حلوة والشغل بقى الذ والمشاكل بتقل لان مش معقول ناس مبتسمة فى وش بعض وهيتخنقوا
والعادى ان كل واحد هيأخد كلامه التانى بالمحمل الكويس
ما هو مش معقول يقولى كلام وحش وهو بيبتسم
ده غير ان التكشيرة بتخلى الواحد يعجز قبل الاوان وعلى ايه
الموضوع مش ناقص
خلاص خلاص

الابتسامة الصعبة

2009-03-12T11:05:00.000-07:00

الخير فى امتى الى يوم الدين

2007-07-23T04:39:00.001-07:00

من وقت لاخر وفى هذه الدنيا وفى هذا الزمان كدنا ننسى هذا القول

لكن بنلاقى ربنا سبحانه وتعالى من وقت لاخر يزرع الخير جوه الناس ويوريهم الخير متجسد فى اخرين من حولهم

حتى لا يفقدوا احساسهم بالخير والامان

فبعض الناس حين تراهم يبعثوا الامان والطمانينة وما اجمل هذا الاحساس ان تتركه فى الاخرين

وهذا جعلنى اتسال ماذا بجب ان افعل وان اكون كى يكون مجرد ان يرانى الناس ابعث فيهم هذا الاحساس

انه شعور اكثر من رائع بعثه فى دكتور عندى فى الكلية اول ما شوفته فى الكلية يوم امتحان المشروع ده ما بعثه بداخلى وبكل امتتنان لهذا السيد والمربى الفاضل وحقه عليا اذكر بعض من افعاله

اذكر ايام نتيجة البكالوريس كان هذا الدكتور الفاضل رئيس القسم وكانت نتيجة احد الدكاترة نزل 51 طالب وطالبة فى

مادته ودى نتيجة بكالوريس وتخيل بقى نتيجة ده تعطيل شغل وجيش وكل الكلام ده واحنا عندنا من طقوس الكلية قدم يا بنى التماس زى ما انت عايز وابقى قابلنى لو ظهر ليك حق ما علينا

بالصدفة الدكتور الفاضل العزيز فى هذه السنة لاسباب لا يعرفها الا الله تولى هو الكنترول ولاول مرة بظهر طلاب ليها حق وتنجح والحمد لله. لكن اصدق مشهد هو تجمع اهالى الطلبه الناجحين امام مكتبه ومقدار الشكر والدعاء وهو يقابل كل ده انه معملش حاجة وان ده حقهم

ويوم مشروع الدبلومة يطلع وينزل المبنى ويلف على الدكاترة كلهم لان طالب قال انه امتحن شفوى فى بكالوريس

واسمه مش مكتوب

وهو ولا بعرف الطالب ولا واسطة ولا حاجة مجرد ان مصلحته ودرجته فى خطر

ولابد ان اذكر ان هذا السيد الفاضل تعدى الستين بكام سنة ولم يصبح رئبس القسم لكنه الاحساس بالمسئولية النابع من الداخل وليس بالمراكز

ويجب ان اذكر انه مش مجرد استاذ جامعى لكنه ايضا يعد عالم ونشر ابحاث باسمه فى المجلات العالمية .

وده تقدير منى لاستاذ فاضل اعتز بانه درس لى وانى تشرفت بمعرفته وان المواقف اللى زكرتها اقل بقليل من حقه وانها ابسط مواقف

ويكفى انى اذكر انه وهو رئبس قسم فى كلية هندسة عين شمس وكل الناس تعرف معنى ده كان باب مكتبه علطول مفتوح لكل الطلبة ويحل كل مشكالهم حتى من غير ما يعرفهم.

تعامله مع الدادة اللى داخلة له بالشاى نفس تعامله مع دكتور زميل نفس الاحترام والذوق والمراعاة للمشاعر

ولو حد شايف انى ببالغ لو تعرف حد فى هندسة عين شمس اساله عن الدكتور الفاضل / محمد عبد اللطيف بدر

الخير فى امتى الى يوم الدين

2007-07-23T04:39:00.000-07:00

مسافر بلا جواد

2007-04-30T11:31:00.000-07:00

البدايه
كانت طفلة صغيرة تحلم وتحلم
تلعب بالطيارة الورق وتطير وتسبح عيونها خلفها فى الفضاء

وكأن بينها وبين السماء حديث طويل يحمله الفضاء ويتناقله بانغام خاصة

تعزف على اوتار من السحر والرومانسية والخيال

تنام وتسيقظ على نور الشمس وما احله نور يبعث على الحياة والدفء
وكبرت وكبرت
وظهر هو فى حياتها وظلت تحبه وتحلم

وتتعلق عيونها بالفضاء وازداد عليها نور القمر

وما احله من نور وما احلى ضياءه من ضياء

ووعدها بالذهاب لاهلها والزواج منها

واشترت فستان زفافها وهى فى منتهى السعادة والفرح

وفى طريق عودتها رفعت عيونها للفضاء كان وقت الغروب

واذ فجاءة تظهر سيارة مسرعة وتصدمها

وتسرق فرحتها ويقع الفستان الابيض على الارض

ويظهر الالم على ملامح وجهها ولكن فجاءة تصفو ملامحها وتعود الابتسامة لوجهها

وتتعلق عيونها بالفضاء وتفيض روحها للرفيق الاعلى

وهنا فقط تسبح روحها فى الفضاء

خرج ولم يعد

2007-04-08T12:13:00.000-07:00

أتراه خرج من بيته أم خرج من حياته
أم تراه خرج ليبدأ حياته
كم من السنون مرت عليه وهو يدور فى ذات الدائرة
لكن أتراه نجح ام فشل
أتراه سعيد أم حزين
اجده سيخرج للحياة ليبدأ من جديد
فلنتركه ليجد طريقه

تاج وتاج

2007-02-18T10:46:00.000-08:00

السلام عليكم ورحمة الله وبركاته

انا اسفة جدا لتاخرى فى موضوع التاج هم الصراحة تاج وتاج

وربنا يديم علينا الهدايا بس اللى مش من النوع ده يعنى لو وردة يبقى كويس انما هنقول ايه

اه الحمد لله نبدا بقى استعنا على الشقاء بالله:

التاج الأول
أية اللي هيحصل لإيميلك لما تموت؟
أولا عمري ما فكرت في الموضوع ده بس أكيد هيتقفل ويتنسى هو وصحبته عادى موت.

أديت الباسورد لحد قبل كده؟
اه اديته قبل كده لبنت خالتى (شيماء )هى بنت خالتى واختى ومغيرتش الباسورد ولا حاجة الثقة موجودة الحمد لله
أسمك؟
أمانى

أسم الدلع اللي مشهور به وسط صحابي؟
مينو, منمن
عمرك؟
27
برجك؟
العذراء
مجال الدراسة؟
هندسة كهرباء قوى
السفر بالنسبة لك؟
غموض وخوف أكتر منه رغبة

المود بتاعي؟
بحب اضحك واهزر طول الوقتواحب العلاقات بين الناس تكون بسيطة بدون تجاوز يعنى ماحبش حد يتجوز فى الكلام لكن طالما بنقول الحق بقى الوش تانى بتاعى وحش موت وللحق برضه هو بيظهر كل فترة بعيدة لكن الصراحة تحتم انى اقول ان مامتى اللى هى مامتى بتقولى عليكى قلبة فظيعة بس انا يعنى فى اعتقادى ان ممكن يغفرى ان وشى بشوش وبضحك طول الوقت وبزعل شوية صغيرين (وعلى راى الاخت نانسى مين فينا على حاله كل الاوقات)
وقت فراغك بتعمل فيه أية؟
هو مش وقت فراغى وبس انا بحب اقرا طول الوقت يعنى قصص وروايات وكده لكبار الكتاب
الأكلة المفضلة؟
السمك ثم السمك يعنى ممكن افطر سمك واتغدى سمك من غير زهق واهو كله فسفور ومالكوش بقى ليلة الامتحان ماما عودتنا تعمل سمك علشان مخنا ينور(شعاع)
الصفات اللي أخدتها من بابا؟
الحرص ثم الحرص
الصفات اللي أخدتها من ماما؟
الطموح والصبر ومحاولة الوصول لشئ جيد والحق يعنى ماما احسن منى
أكتر ست حاجات بكرهها؟
الخيانة أصعب حاجة فى الدنيا
الكذب
حب الناس لبعضها لتحقيق مصلحة
النميمة والغيبة
كلام الناس على بعضهم يصعب عليا يكون واحد معملش اى حاجة ويتقال عليه كلام وحش وتطلع عليه سمعة وده اليومين دول بقى اسهل حاجة الناس بقيت فعلا وحشة
التملق والتودد والمحلسة وانا الحاجات دى بتقطعنى وبتستفزنى جدا
النفاق وان تظهر غير ما تبطن
أكتر ست حاجات بتحبها؟
النجاح
الاخلاص
الصداقة شئ جميل جدا ويارب يخلى لى اصحابى واقاريبى
الصدق
الامانة فى التعامل يعنى احب ان اكون بتعامل مع ناس وانا عارفة ان كلامهم صدق
الامان وده مش علطول بنحس بيه
الشغل بالنسبة لي ؟
أهم شئ في الدنيا
الكمبيوتر بالنسبة لي ؟
شئ لطيف لكن ان جيتوا للجد من ساعة ما جيبت الكمبيوتر بتاعى مافيش مرة كان عندى امتحان ولا لازم اقدم ريبورت الا لما يهنج والطابعة ما تشتغل وطبعا افضل محتاسة وشيلة الهم واول اما الامتحان يخلص واتصرف فى الريبورت من اى مكان الاقى الكمبيوتر بقدرة قادر يشتغل وزى الفل ماما بتقولى الكمبيوتر بتاعك للهلس وبس تصدقوا
التاج التاني
أية الخمس حاجات اللي محدش يعرفها عنك؟
انا بحس دايما ان مش كل اللى حوالى يعرفوا شخصيتى كلها انا بحس ان كل حد بيعرف الجزء المعرض له منى
- انا طيبة جدا يعنى ممكن اصدق حاجات هبلة جدا ودى مشكلة فظيعة
وساعات بحس انى بصدق علشان انا ببقى عايزة اصدق ناس معينة مهما قالوا
انا ساعات ما مباش عارفة.
-واحب اساعد الناس جدا باللى اقدر عليه كل اللى يعرفنى يعرف عنى الجدعنة
- لكن مع كده مش ممكن حد ياخد منى حاجة غصبن عنى لو انا مش عايزة اديك حاجة معينة مش هاديهالك مهما حصل.
- مش بحس ان انا ضعيفة خالصة انا مركزة جدا فى الحاجات اللى عايزها واللى مش عايزها بس ممكن الناس تاخد عنى فكرة انى ضعيفة بسبهم ياخدوها لانى ماحبش ادخل فى مهاترات لاقناع حد اللى عايز يقتنع بحاجة من الاول علشان انا معنديش طاقة.
- وحاجة كمان ياجماعة بس دى مع بابا وماما واخواتى فقط لاغير لما اببقى عايزة حاجة ببقى عارفة اذا كان هيوافقوا عليها ولا لا لو عارفة انهم هيرفضوا وانا مش عايزه اوى اصطدم بيهم وبتبقى زعلة
ولوانا عارفة انهم مش هيوافقوا عليها وانا عايزها اوى مفيش مانع اعرض الموضوع بطريقة ناعمة كده مع حبيت دلع وحنية والموضوع بيخلص فى ساعتها (ودى نصيحة منى ليكوا)
-سبحان الله هى حاجة غريبة اوى بحب حاجات ما ينفعش تتربط ببعض بحب الموسيقى الهادية والحياة الرومانسية الحالمة واقرا كتب وقصص رومانسية واتفرج على افلام اجنبية واعيط واموت نفسى عياط ومع ذلك مفيش مانع احب الاغانى الصاخبة واحب الرقص والتنطيط وما كونش فى مكان وتلاقيه هادى ابدا الا تلاقينى عاملة هيصة ودوشة والدنيا ما تبقاش ساكتة الا وانا مش موجودة وده حالى فى البيت والشغل وكل حاجة.
انا متشكرة جدا يا جماعه على التاجين دول ومش عارفة كلامى يتناسب معى اللى بكتبه ولا لا ربنا يستر عليا من اراءكم بس عايزها صريحة موت ولا يهمك انا شديدة واستحمل

عيد الحب

2007-02-02T10:31:00.000-08:00

عندما حان الوقت واقترب الميعاد
اشتقت اليك يا منية الروح والفؤاد
الم يحن الوقت وتعود بعد البعاد

انه يومنا اتذكر اشتقت الى لقاءنا يا غرامى
يوم لقاءنا ويوم حبنا ويوم فراقنا يا لوعتى

اتعرف كم تبلغ سعادتى لانه يوم عودتك

أترى يمكننى النوم لا لا ساظل ساهرة حتى القائك ولكن يمكن ان اسمح ان ترانى ذهبت نضراتى من السهر لا يا حبيبى سانظر لصورتك وانام احلم بيك واستيقظ اراك حقيقة

احبك واحبك واحبك كما لم يحب انسان

واشعر بك فى كل مكان

وانام لاراك فى احلامى

واستيقظ لاراك أمامى

انى احبك واحب كل ميعاد

وآن الوقت لى لاراك

الرحمة يا رب

2007-01-12T09:33:00.000-08:00

كانت هنية من أ جمل فتيات القرية وكان هنداوى شاب فقير ولكنه يافع لديه قطعة أرض صغيرة يزرعها بنفسه وقد جمع حب برئ بينهمما كلله بالزواج.وانجبا ولدين تؤام تعهد على رعيتهما وتربيتهما وادخلهما المدرسة وقد نجح أحمد وتدرج فى سنوات الدراسة واحدة تلو الاخرى فى حين لم ينجح حسين حيث انه لم تكن تستهويه المذاكرة ولكن كان مزارع جيد تشهد له كل مجالس القرية فى حين ان احمد كلما تدرج فى دراسته كلما ازداد اغتربا عن اسرته وأهل بلده.ومرت الايام وكبر هنداوى وكبرت هنية وكذلك كبر الولدين
وأصبح أحمد مدرس ابتدائى وتعين فى المدرسة التى فى المركز ووقع اختياره على احدى بنات القرية التى نالت قسط من التعليم وقسط أكبر من الجمال والدلال واصر على ان يتزوجها ويسكن بها فى احدى بيوت المركز مما كلف والديه الكثير وارهقهما واخوه بالديون كى تتم الزيجة بالصورة التى يرتضيها احمد لنفسه ومركزه.
واستقر أحمد ما بين حياته فى المدرسة وحياته مع زوجته ونسى اسرته والديون التى اغرقهم فيها من أجل زواجه بينما أخد حسين يجد فى ارضهم ويعمل فى الاراضى المجاورة اثناء جمع المحصول لكن يحصل على اجر مضاعف لكى يكفل حياته وحياة والديه وسداد الديون.
وكان ارتبط من الصغر بالحب مع فتاة من اهل القريبة جميلة ورقيقة ويتيمة الام والاب وكانت دائما ما تذهب لامه وترعها وتساعدها فى يوم الخيبزولكنه لم يستطع ان يتقدم لها فاليد قصيرة والعين بصيرة.
واستمر يكد عام بأكمله صيفا وشتاء.
ومن حين لاخر يحن الاب والام لاحمد ولكنه لا ياتى الا قليلافى الاعياد والمناسبا ت وانجب طفله الاول ولكن الجدان لما يسعدا به كفاية حيث انه مشغول تماما أو هكذا يدعى.
وقرار حسين بعد ان تجمع معه بعض النقود القليلة ان يحقق حلمه والزواج من البنت الذى اختارها قلبه
وتحدث لاخيه ولكن أخيه سرعان ما عاد للبلد وقام بثورة عارمة هو وزوجته على حسين على سبيل وهتتجوز منين وتسكن فين وامك وابوك هترميهم........................
وقابل حسين كل هذه الثورة بهدوء وانه هيتجوز بامكانيات بسيطة ومع امه وابوه وسوف يظل يرعهم ما دام حى يرزق.
وهنا تفجرت الثورة الحقيقية وهو ان هذا البيت ليس ملكه لوحده ولكن له نصيب فيه وفى الارض ايضا.
وهنا ارتعدت اوصال كلا من الاب والام ولكن اخفيا ذلك ودخلا غرفتهما وهما يتسائلا هلى اخطا يوما فى تربية ابنهما واين كان عندما اصر على الزواج وتداين اخوه لزواجه وسدد دينه كاملا.
واجمعا على زواج ابنهما معه وبالفعل تزوج حسين وعاش مع زوجته اسعد ايام حياته يظلل عليهما حب الاب والام وما كان ينقصهما الا رؤية ابنهما احمد وولده وبنته.
وانجبت زوجة حسين بنت جميلة سعدت بها الام كثيروسعدت اكثر بزوجة حسين التى اعتبرتها ابنتها التى لم تنجبها فكانت تخدمها وترعها وتدللها هى وهنداوى كثير فقد حرمت صغيرة من ابويها فاخدتهم اب وام لها وكفلت لهما كل الرعاية .
ولم يهدأ بال أحمد وزوجته فهما يطمعا فى ميراث قليل قليل واتجه تفكيرهما لاستضافة احد الوالدين على اعتبار ان من حقه هو وزوجته واولادهما ان يستمتعا بصحبة الجدان .
وعادا الى القرية وكلهما ندم وشجن لما فعلاه اخر مرة وطلب من الام ان تأتى للمكوث معهما فترة من الوقت لان الطفلين متعلقان بهما كثيرا. واستجبت هنية وهى سعيدة لان ابنها عاد الى احضانها من جديد
وذهبت الام وكلها شوق وظلت معهما فترة فى سعادة ثم بعد ذلك بدا أحمد وزجته بالتبادل يشكيان صعوبة العيش والغلاء وطلبات الطفلين
واحسيت الام بالم على ولدها وانها كانت لا تعلم ذلك وتظلمه على رغم انه مدرس ولا يرجع الى البيت الا عند منتصف الليل ولكن الام لا تدرى ولا تعى شئ وكانت تحلى يدها بقطعتين من الغوايش القديمة التى كانت هى شبكتها وقضيت ليلتها تفكر ام فيه ابنها ام ذكرى قديمة واتعبها التفكير واذن الفجر فقامت لتصلى وقد حسمت أمرها فاختارت ابنها وفى الصباح قبل ان ينزل لعمله كانت قد خلعت القطعتين واعطتهما لولدها.
فتمتم بالشكر لامه وعاش فترة اخرى من الوقت فى سعادة وهى فرحة بالطفلين الصغيرين تمرح معهما
ولكن زوجة أحمد بدات تشعر ان الام اصبحت حمل عليها ولم تعد معها شئ لياخذه منها فبدات تطلب من المراة العجوز اعمال تنجزها فى المنزل وبعد ان كانت الاعمال بسيطة أصبحت ثقيلة لا تستحملها العجوز ولكن ما باليد حيلة ويوم بعد يوم تذبل وتشحب ولكن لا تستطيع الشكوى وكلما اتصل حسين ليطمئن عليها يرد اخاه ويطمئنه وياسف له بانها بعيدة ولا تستطيع الرد عليه.
ولكن قلب حسين دب فيه القلق على امه وسافر اليها و تظاهر احمد وزوجته فى الترحيب بحسين وبالغا فى ذلك ولكنه وجد أمه ليست بحالتها فاصر على أخذها معه وانهم يفتقدوها كثيرا ففرحت الام لذلك ولكن لم تظهر فرحتها ولملمت اشياءها البسيط وودعت الطفلين الصغيرين وسافرت مع ولدها
وهو يحاول معرفة ما بهل ولكنها لا تجيب تغلق صدرها على حسرتها ولا تتكلم وهى تشكى من حملته فى بطنها وعلى كتفها.
ولكن هيهات ان يكتفى أحمد بما حدث ولكنه عاد مرة أخرى لياخذ اباه معه وفرح الاب ولكن بان على الام الجزع واحس بها حسين وحاول منع احمد من أخذ أبوه ولكنه لم بستطع حيث انه لا يفهم .
وسافر الاب مع ابنه وزوجته والطفلين
وهنية لا تنام وتزداد قلقا على زوجها ولكن لا تتكلم وما حدث معها حدث معه وبدا معه بالسعادة والهنا ومن ثم الشكوى والانين حتى اعط لولده كل ما معه من مال ومن ثم ضاقا به وفى يوم نزل ابنه الى عمله وتحدثت اليه زوجة ابنه بان الجيران اصبحوا يحدثوها بانه لا يصح ان تجلس مع حماه لوحدهما فى البيت
وارتعد الرجل وقال لها انتى ابنتى ومعنا احفادى ولكنها بكت وان ليس لها يد فى كلام الناس وان زوجها يعود بعد منتصف الليل.
فنزل الرجل العجوز الى الشارع ليس له هدف ولا يعرف شيئا وليس معه نقود .
ودخل الجامع ليجلس به ومر يومه الاول بدون اكل ولا شرب ولما عاد الى البيت توجه الى ولده واخبره انه يريد العودة لبلده فرفض ولده : ولماذا يا ابى أأنت تحب حسين أكثر منى أأنا مقصر معك ولم يستطع الاب بالبوح له بما حدث لا يعرف لماذا لخوفه على استقرار بيت ولده اما لخوفه من رد فعل ولده الذى يخاف ان يراه ويتحسر على عمره
واستمر الحال وظن الناس ان شحاذ وكل يوم احدهم ياتى له بطعام او شراب وهو كل يوم يزداد بؤس وانكسار وبدا يشعر بان ابنه يعلم بما يحدث ولا يهتم
وهنية تزداد وجعا كل يوم وكلما سال حسين على ابوه طمأنه اخوه بانه بخير
ولكن ما لبس عم امين البقال فى القرية ان يذهب الى المركز لشراء بعض من انواع البقالة واذ به يرى عم هنداوى وهو جالس امام الجامع بائس حائر فلم يكلمه وذهب الى القرية
واول من ذهب ذهب لمنزل هنداوى ولما لم يجد حسين اعلم هنية بما شاهد فصرخت هنية صرخة مدوية
أبعد كل ذلك العمر وبعد كل هذا الشقاء يشحذ هنداوى وذهبت لحسين حيث كان وحكت له ما قاله امين البقال وحكت له ما حدث معها وذهبت معه للمركز لتلحق بزوجها وابوها وحبيب العمر
وذهبت لبيت ولدها احمد فوجدته وزوجته فى غاية الامان والراحة ولم تجد زوجها فلم تجد ما تقوله لولده العاق غير انها سالت الله ان يسامحه وتركاه وذهبت مع حسين يسالان عنه الناس الى ان وجداه بجوار المسجد فى ملابس بالية فى عز الصقيع لا يقوى على تحريك يد ولاقدم واول ما راهم بكى وانتحبت هنية واخذ حسين يقبل يداه وقدمه ولكن ما لبث هنداوى ان اوصى حسين على امه وقال الشهادتين ومات وراسه على كتف ولده حسين وعيونه مليئة بالدموع وهو ينظر فى وجه ولده احمد ويده فى يد زوجته ورفيقة عمره وحبيبة القلب هنية وصعدت روحه لخالقها
وطار الحمام يرفرف فى السماء يسبح بحمد الله على نعمة كونه طير يعيش فى السماء وليس بشر يعيش على ارض لا يعرف للحب والوفاء فيها مكان
فليرحمن الله

بداية جديدة

2006-12-29T11:29:00.000-08:00

اه ما اسعدنى اليوم اصبحت كغيرك من الناس

اصبحت لا شئ بعد كل ما حدث بيننا لم استطع مواجهة

بعد جرحك لى مرارا وتكرارا وهو جرح لم يكن بجرح عادى

فهى ليست مجرد قصة حب تعثرت وانتهت ولكن يجب ان اعترف

لم يكن حب انا لم اكن احبك ولكن الحقيقة انا كنت أريد ان احيا قصة كنت احتاج لها

لم تكن تلائمنى فانا يمين وانت شمال ولكن اصدقك القول كنت مؤمنة بان الانسان اذا تغير وسطه البيئى تغير معها حياته واذا وجد يد ممدودة له سيتمسك بها ولكن هذا مفهوم خاطئ

وانت اثبت ذلك لم تتغير كنت تسعى ورائى للحصول على شئ واحد ولا اعلم هل حصلت عليه؟

ولكن لا يهم سعادتى كامنة فى استطاعتى اخيرا موجهتك

وتوجيه اكبر اهانة لك وكم كنت سعيدة بذلك لانى استطعت ان ارد بعض من كبريائى امام نفسى

وها انا ابدا من جديد

نعم من جديد

هذه الحياة نهايه ومن ورائها بداية

انتهينا خلاص

وخلاص خلاص

خيال xخيال

2006-12-20T09:53:00.000-08:00

كنت بتكلم مع واحدة صاحبتى وفجاة خطر فى بالنا سؤال

يا ترى كنت نتمنى تطلع أيه

قالت :أنا كان نفسى اطلع سمكة قاعدنا نتضحك

وقالت:علشان الواحد ما يحملش هم ويفضل يعوم

قلتالها:بس كده ممكن تتاكلى من السمك الكبير ، من الناس كده يعنى

قالت : والله يكون احسن علشان اخلص وتبقى جيت منهم

وسألونى

قلت: أنا كان نفسى اطلع ملكة والناس تطلب ودى يمين وشمال وأعيش حياتى فى خدم وحشم وأنا مبأش مدى وش لحد

مع أنى مش كده خالص والمفروض أنى متواضعة (هو مش أوى يعنى بس رينا يسهل) مش مشكلة

يا ترى كل واحد منكم لو قعد مع نفسه ويسرح كان يحلم يطلع ايه؟؟؟؟؟؟!!!!!!!!!!!!!!!!!!!

غدا يوم اخر

2006-11-27T11:35:00.000-08:00

لقد حان الوقت فالمكان كله ساكن والظلمة تغطى الكون والروح هائمة فى بحر السماء مع النجوم

ان الحياة اثمن من ان تضيع فى كلمةأو هفوة أو حركة. لذا لقد حان الوقت لارتداء ثوب جديد انه سيكون:

أحمر لا لا فالاحمربه اثارةوالنفس لاتزال متعبة

اذن فهو الازرق لا لا فالازرق به زهووالنفس لا تزال ضعيفة حزينة

اذن فهوالاخضر لا لا فالاخضر يشع الامل والبهجة والنفس لا تزال يائسة بائسة لا روح فيها

اذن فهو الاسود ولكن لا هل تخرج من ظلمة الى ظلمة ومن سهر الى سهر فيلوح لى من بعيد انه سوف يكون

ابيض ففيه من الصفاء والاشراق ما تحتاجه النفس النفس التى تابى ان تتصالح مع الكون فان الصفاءسوف يجعلها تقبل والاحساس بالطمانينة سوف يجعلها تتماثل للشفاء

تعود لها الحياة من جديد . تهفو الى شئ جديد

لا يا من كنت حبيبى

2006-11-23T11:42:00.000-08:00

مضى العمر بنا ولانعرف هل احببنا بعضنا ام لا

كان الزمان لنا والعمر لنا والحياة

اتذكر لقائنا يا هوائى

اتذكر حبنا وذكرياتنا

او طريق املنا الطويل

او لا تعرف ان الحب قدر والفراق

ما هو الفراق يا حبيب العمر

وما هو حب العمر او هناك ما يسمى بحب العمر

او ضاع الحب ومات الكلام الجميل

لا اعرف كل ما اعرفه انى احببتك او انتظر

لا اعرف هل احببتك

انها الاسئلة والتى لا اجد لها اجوبة

ان الحياة من حولى فارغة صاخبة

ولكن من المنقذ

او لا يوجد لا اعرف

زكرى جميلة

2006-10-25T13:27:00.001-07:00

زعموا ذات مرة ان طفلا غاله الموت فاعترى الوجد أمه

تذرف الدمع ليلها وتعانى فى خلال النهار آلام جمة

فرأت فى المنام حلما عجيبا موكبا حافلا:بنات وغلمة

كل طفل فى كفه مصباح ساطع الضوء كاشف للظلمة

ورأت طفلها يسير ولكن باكى العين فى ظلام ودهمة

فدعته(بنى مالك تمشى كاسف البال فى اكتئاب وغمة

قال (أمى: ما حيلتى وسراجى كلما هم ان يضىء بهمه

صابه من غزير دمعك صوب فانطفا نوره وعاد لظلمه

نظم طه السباعى باشا

.انا عارفة ان الكلام موثر اوى وان احنا فى عيد ولكن ما باليد حيلة قراتها من فترة طويلة وافتكرتها فا مقدرتش

على فاكرة ده والد الاستاذ يوسف السباعى بس اد ايه فنان وكلامه اكتر من رائع والتعبير موظف جدا وموثر بدون اسفاف على فكرة انا قراتها فى كتاب ليوسف السباعى وامعانا منه فى اعزاز والده نظم قصيدة تانية قريبة

ليلة العيد فى سناك وقفنا موكبا حافلا:بنات وغلمة

ننشد الأغاريد والقلوب خفاق فى حنايا الصدور أفراح جمة

كل طفل فى كفه مصباح ساطع الضوء كاشف للظلمة

اه !أمى! ما حيلتى وسراجى كل ما هم ان يضىء بهمه
صابه من غزير دمعك صوب فانطفا نوره وعاد لظلمه

حكاية غريبة

2006-10-19T15:04:00.000-07:00

انا اعرف بنت كويسة اوى لطيفة ودمها خفيف وحلوة وزكية ومثقفة وبنت ناس كويسين

لغاية كده مفيش مشكلة يا بختها

الصبر الصبر المشكلة جاية اهه

جت قعدت معايا وقالتالى :

انا مش مبسوطة

قلتالها:

ليه

انا مش عارفة انا فعلا بنت كويسة ولا لا انا فعلا مؤمنة بالكلام اللى بقوله ولا لا صاحبة مبادى ولا لا

انا فعلا بعامل الناس كويسة علشان ده اللى جويا ولا علشان انا مفيش فى ايدى حيلة يعنى اخاف اعامل حد وحش علشان جبانة وما اضمنش رد فعله.

لا اخفيكم سر انا لمضة صحيح لكن لحد هنا ولسانى فين الله اعلم معرفتش ارد واما احاول افتكر كل تصرفات البنت ديه معايا ومع غيره اقول سبحان الله مفيش مجال للشك هى كويسة اوى مع الكلام ومفيش حد يطلب منها طلب الا لما تعمله حتى لو ماكنش فى استطاعتها بتحاول اوى وتفرح للناس كفرحها لنفسها عمرى ما تخيلت ان ده جواها بس برضه برغم كل ده افتكرت حاجة مفيش واحد حبيته وتمسك بيها ابدا برغم انها فى كل مرة بتكون متمسكة جدا

لكن الاغرب ان ولا واحد منهم كان مناسب ليها من كل الزوايا والاغرب انهم هم اللى كانوا بيسبوها برغم ان فى بداية القصة هم اللى بيجروا وراها انا بصراحة مش عارفة ايه الحكاية نسيت اقول حاجة يمكن تساعدكم فى التفكير واحد منهم كانت مؤمنة ان اهله(باباه ومامتاه بيتاخنقوا يوماتى والام طردت جوزها من البيت ادام ولاده الرجالة فى مرضه فى نص الليل)

مش متفهمين علشان كده هو محتاج جو تانى يعيش فيه!!!!!!!!!!!!

وواحد تانى كان معهد اربع سنين بس

هو باين عليه كويس لكن محتاج هدف ادامه علشان بنجح ويفلح وبشوية كورسات فى كل حاجة وندور على شغل كتير غير شغلته السكة ربنا هيكرمنا

لكن يا بنتى ده صايع وبتاع بنات لكن

نفسه يستقر وربنا يهديه يعنى منقفش جنبه!!!!!!!!!!!!!!!!!!!!!!!!!!!!

معلومة اضافية : البنت دى طبيبة!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

هنا القاهرة

2006-10-07T14:16:00.000-07:00

هنا القاهرة

هنا القاهرة أرض المعارك يا ناس يا هوووو

الناس بتحب بعضها موت وعايشين سعداء موت

الشغل كتيييييييييييير ومناسب جدا لامكانات الفرد

امال انتوا فاكرييين ايه

والحياة وردية والناس ملتزمة بالاخلاق والمبادئ والقيم اللى بالكوا فيها

والبنات محتشمة والولاد ولا لبسين باديهات ولا حاجة

اطلاقا بل على العكس الدنيا فرفشة ولونها نعنشة

اه طبعا حد يقدر يقول حاجة

أحلى الاوقات

2006-10-05T14:31:00.000-07:00

لقاءنا

احلامنا

اعمالنا

ايامنا

حياتنا

كان لقاءنا لقاء من الاحلام

واحلامنا احلام قلوب صغيرة لا تنام

واعمالنا بناء بيوت على الرمال

وتماسكت رمالنا حتى لا ينهدم البناء

وايامنا هى احلى ايام الهوى

لا تنسى أيام الهوى فهى لنا على الدوام

وحياتنا صرح من الحب والصدق والايمان

يكللها أحلى الاوقات